صوت السيارة المرتفع او ( الرياضي)

ازاي بعض الشباب بيبقي صوت العربيات بتاعهم عالي اوي ؟
الحقيقة في شباب مبتعرفش تسوق إلا وهي سامعة صوت العربية عالي ، في حاجات كتير ممكن تتعمل في موضوع الصوت ده علشان تخلي الصوت عالي.
في البداية الصوت ده بيبقي جاي من الشكمان .
الشكمان هو ماسورة اخراج العادم من الموتور بعد احتراق الوقود .
الشكمان ده بيبقي عبارة عن ماسورة متركب فيها اجزاء بتخص الصوت وحساسات واجزاء بتخص البيئة عشان التلوث .
فالشباب بقي يإما بتلغي كل الكلام ده وتاخد ماسورة عاديه معلهاش اي اجزاء تخص الصوت ولا البيئة ، من اول الموتور لحد الاخر ، ساعتها بقي هتسمع صوت يخلي ودانك تتعب لان ده بيبقي صوت عالي اوي .
بيسموه ديفل او علبة شكمان .
في كمان شكمان بيتعمل بيبقي بزرار تفتح وتقفل الصوت وقت متحب .